Дархан сумын 11 дүгээр багаас аймгийн ИТХ-ын Төлөөлөгчөөр сонгогдон ажиллаж буй Б.Буяндүүрэн багийнхаа иргэдтэй ойр хамтран ажиллах үүднээс сар бүрийн 11-нд иргэдтэй хийх уулзалтыг зохион байгуулж байна. 
Уулзалтад мөн сумын ИТХ-ын Төлөөлөгч С.Мөнхзул болон тус багийн ИНХ-ын дарга, Тэргүүлэгчид, Засаг дарга байлцах бөгөөд 11 дүгээр багийн иргэдийн санал хүсэлтийг хүлээн авч, төрийн байгууллагын холбогдох хэлтэс агентлагийн удирдлагуудад уламжлах, тулгамдаж буй асуудлыг шийдвэрлэх, тухайн иргэнд эргэн хариу мэдэгдэх зэргээр “Эргэх холбоо”-той хамтран ажиллах болно хэмээн аймгийн ИТХ-ын Төлөөлөгч Б.Буяндүүрэн ярив.
