Дархан-Уул аймгийн ИТХ-ын Тэргүүлэгчдийн 2003 оны 50 дугаар тогтоолоор загварыг нь баталсан. Аймгийн далбааг ишин талдаа орон нутгийн хөгжлийн зам шулуун дардан байхын бэлгэдэл болгож шар өнгийн туузтай, энх тайван, эрх чөлөөг бэлгэдсэн тод цэнхэр өнгөтэй, төв хэсэгтээ Дархан хотыг байгуулалцсан орнуудын найрамдлын бэлгэдэл бүхий “Хаан бугуйвч”, дээд талд нь дээш мандан бадрах галын дөл байруулжээ. /Аймгийн Иргэдийн Төлөөлөгчдийн Хурлын Тэргүүлэгчдийн 2003 оны 06 дугаар сарын 04-ний өдрийн 50 дугаар тогтоолоор Дархан-Уул аймгийн тугаар батлав./