Шинэ эриний цахим мэдээллийн технологийн энэ үетэй хөл нийлүүлэн алхаж байгаа эрхэм тантай залуусын хот Дархан хотын хөдөлмөрч зон олны нэрийн өмнөөс эрүүл энх, аз жаргал, сайн сайхан бүхнийг хүсэн ерөөж мэндчилж байна.

Та бүхэнтэйгээ Дархан-Уул аймгийн Иргэдийн Төлөөлөгчдийн хурлын албан ёсны вэб сайтаараа дамжуулан уулзаж байгаадаа баяртай байна. Төвийн бүсийн тулгуур төв болсон Дархан-Уул аймгийн үзэсгэлэнт сайхан байгаль, хөдөлмөрч бүтээлч олон ястан зон олны минь ажил амьдралын арвин баялаг түүх соёл, төр захиргааны байгууллагын үйл ажиллагаа, бодлого шийдвэр зэрэг манай аймаг болон ИТХ-тай холбоотой мэдээ, мэдээллийг энэхүү цахим хуудаснаас олж авна гэдэгт итгэлтэй байна.