УИХ-ын хамгийн залуу гишүүн Д.Гантулгын санаачлан хэрэгжүүлж байгаа "Залуу малчдаа дэмжих аян" нь өнөөдөр /2017.03.27/ Дархан-Уул аймагт буюу 18 дахь аймагтаа үргэлжиллээ. 
Аяны хүрээнд аймгийн ИТХ-ын дэргэдэх Иргэний танхим, ЗДТГ хамтран “Төрийн албан хаагчдын манлайллын ур чадварыг дээшлүүлэх нь” сэдэвт лекц, уулзалт ярилцлагыг зохион байгуулав.
Уг арга хэмжээнд Дархан-Уул аймгийн төрийн байгууллагын албан хаагчдаас бүрдсэн 80 гаруй хүн оролцсон юм. 
Дашрамд мэдээлэхэд УИХ-ын гишүүн Д.Гантулга нь Монголын морин спорт залуу уяачдын холбооны тэргүүнээр ажиллдаг бөгөөд үүнийхээ дагуу холбооныхоо салбар зөвлөлийг Дархан-Уул аймагт байгуулж, малчид уяачдын анхдугаар зөвлөгөөн хийсэн байна.
Түүний эхлүүлсэн “Залуу малчдаа дэмжих аян”-ы үндсэн зорилго нь малчин залуусаа дэмжихэд оршиж байна.
Уг зорилгын хүрээнд 21 аймгийн 21 залуу малчинд тавин эм төлөг хандивлаж, буянт сүргээ арвижуулахад дэмжлэг үзүүлэх бөгөөд Дархан-Уул аймгаас нэг малчин өрхийг сонгож 50 эм төлөг бэлэглэх юм.
Залуу малчдаа дэмжих аяныг Монгол поп опера Увертюра хамтлаг “Монгол минь” тоглолтоороо дэмжин хамтран ажиллаж байна.
