Тус хурлаар 6 асуудлыг хэлэлцэн шийдвэрлэлээ.

Аймгийн ИТХ, Тэргүүлэгчид, Ажлын албанаас 2017 онд хийх ажлын төлөвлөгөөг хэлэлцэж, таван бүлэг 90 зүйлтэй төлөвлөгөө баталлаа. 

Тогтоол шийдвэрийн хэрэгжилтийн тайлангийн тухай асуудлыг хэлэлцэж, аймгийн Иргэдийн Төлөөлөгчдийн Хурлын Тэргүүлэгчдээс батлан хэрэгжүүлж, хэрэгжилт нь 100 хувь хангагдаж үйл ажиллагаа нь тогтмолжсон 34 тогтоолын 35 заалтыг хяналтаас хасаж, аймгийн Иргэдийн Төлөөлөгчдийн Хурлын дэргэдэх Иргэний зөвлөлийн гишүүдийг чөлөөлөх, хугацаа сунгах тухай асуудлыг хэлэлцэж ажиллах хугацаа нь дуусч байгаа гурван гишүүнийг чөлөөлж, гишүүн Б.Зандраагийн ажиллах хугацааг 2017 оны 01 дүгээр сарын 15-ны өдрөөс эхлэн 3 жилээр сунгалаа.

Иргэний зөвлөлийн гишүүд чөлөөлөгчдсөнтэй холбоотойгоор Цагдаагийн албаны тухай хууль, Иргэний зөвлөлийн дүрмийн дагуу Иргэний зөвлөлийн гишүүдийг сонгон шалгаруулах комисс байгууллаа.

Мөн Даланзадгадын Дулаан хамгамжийн газар ОНӨААТҮГ, ДзДЦС ТӨХК-уудыг нэгтгэх боломжийг судлах ажлын хэсэг байгуулж, иргэдийг төрийн шагналд тодорхойлж, Өмнөговь аймгийн нийгэм, эдийн засгийг хөгжүүлэхэд оруулсан хувь нэмэрийг нь үнэлж Цагаан овогтой Володяг Өмнөговь аймгийн Хүндэт тэмдэгээр шагналаа.