БНСУ-ын Чанвон “Ким Дал Жиний нэрэмжит” нэрэмжит Олон Улсын Утга зохиолын 7 дахь шагналыг Монголын яруу найрагч М.Уянсүх хүртжээ. Өнгөрсөн жил ОХУ- ын М.Горькийн нэрэмжит Утга зохиолын дээд сургуулийн захирал, зохиолч орчуулагч Алексей Николаевич Варламов 6 дахь шагналыг хүртсэн байна. Шагнал гардуулах ёслолын ажиллагаа  9 дүгээр сарын 3-нд болжээ. Гол утга учир нь “уран зохиолын төлөө зориулсан сэтгэл, нөр их хөдөлмөр, хичээл зүтгэлийн төлөөх” үнэлгээ юм. Уг шагналыг 21 жилийн өмнөөс гардуулж эхэлсэн агаад гадаадын яруу найрагчдад олгох болсноос хойш 7 дахь удаагийнх нь Монгол найрагчид ирлээ. Чангвон бол Солонгосын өмнөд нутгийн нэгэн хот. Тэр л нутгаас төрсөн хамгийн шилдэг найрагч “Ким Дал Жиний нэрэмжит” энэхүү шагналыг 5000 ам доллар дагалддаг байна.    Р.Тунгалаг-Эрдэнэ