2016 оны 4 дүгээр сарын 23-нд Улаанбаатар хотод сонсголын бэрхшээлтэй сайхан бүсгүй болон залууг шалгаруулах "Miss and Mister deaf Mongolia-2016" тэмцээн зохион байгуулагдсан.

Энэхүү тэмцээнд Дархан сумын 15 дугаар багийн иргэн Э.Бат-Эрдэнэ амжилттай оролцож, “Үндэсний ялагч”-аар тодорчээ.

Тэрээр удахгүй БНЧУ-ын нийслэл Прага хотноо /2016.07.8-21/ зохион байгуулагдах сонсголын бэрхшээлтэй хүмүүсийн "Miss and Mister deaf international-2016” тэмцээнд оролцох аж.

 Дэлхийн анирыг сонсож чадахгүй ч гэсэн авьяас билгээрээ бусдаас дутахгүйгээр өрсөлдөж, аймаг орон нутгийнхаа нэрийг өндөрт өргөсөн Э.Бат-Эрдэнэ хүүг өнөөдөр /2016.07.05/ аймгийн ИТХ-ын дарга П.Эрдэнэбат хүлээн авч, хүндэтгэл үзүүлэн, амжилт хүслээ.