Гал бичин жилийг угтсан үндэсний бөхийн барилдаан 2 дугаар сарын 6-ны өдөр аймгийн Спортын ордонд болж өндөрлөлөө. Тус барилдаанд улсын харцага Б.Одгэрэл түрүүлж, улсын начин Ш.Уламбаяр үзүүрлэсэн бол аймгийн арслан Б.Сүхбаатар, аймгийн харцага Ж.Бадрал нар шөвгөрлөө.

Энэ жилийн Сар шинийн баярт зориулсан үндэсний бөхийн барилдаанд улс, аймгийн цолтой нийт 64 бөх барилдсанаас улсын цолтой хоёр, аймгийн цолтой 9 бөх уран мэхээ уралдуулан хүчээ үзсэн байна.