Аймгийн гэмт хэргээс урьдчилан сэргийлэх ажлыг зохицуулах зөвлөлийн 21 дүгээр тогтоол гарч  Ажлын хэсэг байгуулсан.

Уг тогтоолоор “Сэтгэцэд нөлөөлөх мансууруулах бодис, эм бэлдмэл, архидан согтуурахын хор уршиг ”-ийг олон нийтэд таниулан суртчилах тухай заасан юм.

Тэгвэл уг тогтоолын хэрэгжилтийн хүрээнд Дархан-Уул аймгийн Ардчилсан Залуучуудын холбооноос санаачилан “Сэтгэцэд нөлөөлөх мансууруулах бодис, эм бэлдмэл, архидан согтуурахын хор уршиг ”-ийг олон нийтэд таниулан суртчилах төслийг эхлүүлж байгаа бөгөөд уг төслийн хүрээнд ЕБС-ын ахлах ангийн сурагчдыг хамруулан сарын аяныг зохион байгуулж байна.

             Аяны зохион байгуулагчдын зүгээс Монголын ирээдүй болсон өсвөр үеийнхнийг  сэтгэцэд нөлөөлөх мансууруулах бодис, эм бэлдмэл, архидан согтууруулах ундаа хэрэглэхээс урьдчилан сэргийлэх, түүний хор уршгийг таниулах, мэдээлэл хүргэх зорилго тавьж байгаа юм.