XVII жарны “Элдэв эрдэнэт” хэмээх модон могой жилийн сар шинийн баярыг тохиолдуулан, 100-аас дээш насны ахмад настанд Монгол Улсын Ерөнхийлөгч жил бүр мэндчилгээ, гарын бэлэг барьдаг уламжлалтай.Өнөөдөр Дархан-Уул аймгийн ИТХ-ын дарга А.Янжмаа, 11-р багийн иргэн 108 настай И.Бадангарав буурайд Монгол Улсын Ерөнхийлөгчийн мэндчилгээ, гарын бэлэг болон аймгийн ИТХ, Засаг даргын гарын бэлгийг гардуулж, хүндэтгэл үзүүллээ.Ишдоржийн Бадангарав гуай нь Монголын хамгийн өндөр настай буурай бөгөөд өдгөө 108 насыг зооглож буй буурай юм. Тэрбээр Завхан аймгийн уугуул ба 1978 оноос Дархан хотод суурьшиж, мал маллаж иржээ.
