Өсвөрийн Парламент—2023 хөтөлбөрт Увс аймгаас Ерөнхий боловсролын 1 дүгээр сургуулийн 10 дугаар ангийн сурагч Б.Саруул, Ерөнхий боловсролын 6 дугаар сургуулийн 9 дүгээр ангийн сурагч А.Энхжин, ЕБ-ын 4 дүгээр сургуулийн 11 дүгээр ангийн сурагч Д.Багахүү, Эрдмийн эхлэл сургуулийн 11 дүгээр ангийн сурагч Д.Ган-очир нар хамрагдаж, хөтөлбөрөөс олж авсан мэдлэгээ үе тэнгийнхэн, анги сургуулийнхандаа түгээх эерэг нөлөөлөл үзүүлэх чиглэлээр “ЭРҮҮЛ ХООЛЛОЛТ ЭРҮҮЛ ИРЭЭДҮЙ” сургалт нөлөөллийн үйл ажиллагааг өсвөр үе хүүхэд залуучуудад зохион байгуулан ажиллаж байгаа.

Өсвөрийн Парламент—2023 хөтөлбөрт хамрагдсан сурагчид Аймгийн ИТХ-ын даргад Хөтөлбөрийн хүрээнд зохион байгуулсан Нөлөөллийн ажлын тайланг танилцуулж, Ерөнхий боловсролын 4,5,6 дугаар сургуулиуд дээр хийсэн “Сургуулийн ус, ариун цэвэр, эрүүл ахуйн үнэлгээний асуумж судалгааны дүнг танилцууллаа.

Уулзалтын төгсгөлд Аймгийн ИТХ-аас санаачлан зохион байгуулж буй “Үйлдлээрээ үлгэрлэгч Увсчууд -100” аяны хүрээнд Иргэний журамт үүргээ биелүүлэх ба Эрүүл аюулгүй амьдралын хэв маяг, дадлыг хэвшүүлэх нөлөөллийн ажлуудыг хамтран зохион байгуулж, тус аянд нэгдэн хамтарч ажиллахаар шийдвэрлэлээ.