Монгол Улсад Анхдугаар Үндсэн Хууль батлагдсаны 100 жил, Шинэ Үндсэн Хууль батлагдсаны 32 жилийн ойд зориулан аймгийн иргэдийн Төлөөлөгчдийн Хурлаас 2024 оны 01 дүгээр сарын 12-ны өдөр Хүндэтгэлийн хурал зохион байгуулж, Төр нийгмийн нэрт зүтгэлтэн, БНМАУ-ын баатар Хөдөлмөрийн баатар, Маршал Ю.Цэдэнбалын хөшөөнд цэцэг өргөн хүндэтгэл үзүүллээ.Уг арга хэмжээнд Ардын Их Хурлын депутат Ш.Бороодой, П.Бямбажав, Х.Янжмаа, аймгийн иргэдийн Төлөөлөгчдийн Хурлын Төлөөлөгчид, аймгийн Засаг даргын Тамгын газрын удирдлагууд, Агентлаг, хэлтсийн дарга нар, Хүүхдийн оролцооны байгууллагын төлөөллүүд оролцлоо.
Арга хэмжээг хамтран зохион байгуулсан Ойрад хөгжимт жүжгийн театр, Хилийн 0245 дугаар ангийн хамт олонд талархал илэрхийлье.
