Увс аймгийн усны сан бүхий газрын онцгой болон энгийн хамгаалалтын бүс, ус хангамжийн эх үүсвэрийн эрүүл ахуйн хил заагийг тогтоох асуудлаар аймгийн ИТХ-ын дарга Ц.Батболд, аймгийн ИТХ-ын Төлөөлөгч нарт болон оролцогч талуудад нэгдсэн ойлголт өгч цаашид энэхүү асуудлыг хуралдаанаар хэлэлцүүлж, шийдвэрлэх зорилготойгоор аймгийн ИТХ-аас тус хэлэлцүүлгийг Улаанбаатар хотод зохион байгууллаа.
Хэлэлцүүлэгт аймгийн ИТХ-ын дарга, Төлөөлөгчид, сумдын ИТХ-ын дарга нар, Байгаль орчин аялал жуулчлалын яамны төлөөлөл, Засгийн газрын хэрэгжүүлэгч агентлаг Усны газрын дарга З.Батбаяр, хэлтсийн дарга Д.Сайханжаргал, Увс нуур-Тэсийн голын сав газрын захиргаа болон Увс аймагт ашигт малтмалын зөвшөөрөл эзэмшигч аж ахуйн нэгж байгууллагын төлөөллүүд тус тус оролцлоо.
