Япон улсын эдийн засгийн хөгжил, дэвшилтэй танилцах, хамтын ажиллагаа тогтоох, хог хаягдал боловсруулах үйлдвэртэй танилцах, аялал жуулчлал, хөнгөн үйлдвэрийн үзэсгэлэн худалдаагаар зочлох, Инзай хотын номын сан, ариун цэврийн байгууламжтай танилцах зорилгоор аймгийн ИТХ-ын дарга Ц.Батболд, аймгийн ИТХ-ын төлөөлөгч С.Баяржаргал, С.Пүрэвсүрэн, Л.Отгонбаяр болон аймгийн Аялал жуулчлалын холбооны тэргүүн А.Батсүх нар 2023 оны 10 дугаар сарын 16-20-ны өдрүүдэд Япон улсад ажиллалаа.

Тус улс нь хог хаягдлыг шатааж, далайд булахаас илүү байгаль орчин, эдийн засагт ач тустайгаар шийдвэрлэх арга буюу хогийг молекулын түвшинд задлах технологийг Увс аймагт нэвтрүүлэхтэй холбоотой бүх төрлийн ахуйн хог, айл өрх, дулааны станцуудын дутуу шатсан нүүрсний дээжийг Япон улсын лабораторийн шинжилгээнд илгээж, хогноос нүүрс хүчлийн хий, цахилгаан, түлш гаргах, хог боловсруулах үйлдвэрийн ТЭЗҮ-г боловсруулахад хамтран ажиллаж, дэмжлэг үзүүлэх мөн газар тариалан хүлэмжийн аж ахуй эрхлэгч нарт шинэ техник технологи танилцуулахаар Япон улсын мэргэжилтнүүд 11 сарын 21-25 ны хооронд Увс аймагт ажиллана.