2022 оны 10 дугаар сарын 23-ны өдөр Чингэлтэй дүүргийн 16 дугаар хорооноос ахмадууддаа хүндэтгэл үзүүлэх үйл ажиллагааг амжилттай зохион байгууллаа.
Тус арга хэмжээг Чингэлтэй дүүргийн иргэдийн Төлөөлөгчдийн Хурлын дарга Б.Мөнхбат нээж хүндэтгэлийн арга хэмжээнд хүрэлцэн ирсэн нийт ахмад настнууддаа халуун талархал дэвшүүлэн эрүүл энх урт удаан наслахын ерөөл дэвшүүллээ.
Мөн хүндэтгэлийн үйл ажиллагаанд дүүргийн ИТХ-ын Төлөөлөгч Т. Идэрцагаан, Б.Ядамжав, 16 дугаар хорооны Засаг дарга Н.Сэргэлэн нар хүрэлцэн ирж хорооны ахмадууддаа хүндэтгэл үзүүллээ.
Ахмадууддаа хүндэтгэл үзүүлэх тус арга хэмжээний үеэр дүүргийн ИТХ-ын “Чандмань” одон, Монгол Ардын Намын 100 жилийн ойн медаль, “Эх орны төлөө” медалиудыг тус тус гардуулж, урлагийн тоглолт, спорт тэмцээний ялагчдад шагнал гардуулан хүрэлцэн ирсэн нийт ахмад настнуудын дунд хонжворт сугалаа явуулж азтан тодруулсан юм.
ХУРЛЫН АЖЛЫН АЛБА
