Уг үйл ажиллагаанд аймгийн ИТХ-ын дарга Ц.Батболд, Хууль зүй дотоод хэргийн яамны Захиргааны хэм хэмжээний актын хяналт, бүртгэлийн хэлтсийн дарга Ч.Гүнждагва, аймгийн Цагдаагийн газрын дарга А.Амарбат, Гэр бүл хүүхэд залуучуудын хөгжлийн хэлтсийн дарга Б.Туул, Орон нутаг дахь Төслийн зохицуулагч Д.Жанузаг, төсөл хэрэгжүүлэх нэгжийн төлөөлөл болон албаны бусад хүмүүс оролцов.
“Түр хамгаалах байр”-ны албан хэрэгцээнд шаардлагатай техник тоног төхөөрөмжийг авахад аймгийн ИТХ-ын хуралдаанаар 13 сая төгрөгийн санхүүжилтийг шийдвэрлэн тус ажлын хүрээнд 5 нэр төрлийн /Зургийн аппарат 1 ш, Иж бүрэн суурин компьютер 1 ш, Зөөврийн компьютер 2 ш, Өнгөт принтер 1 ш, Хар принтер 2 ш/ техник, хэрэгслийн дэмжлэг үзүүлж байсан юм.
Цаашид энэ Түр хамгаалах байрны үйл ажиллагаа, урсгал зардлыг орон нутгийн төсвөөс санхүүжүүлж, тогтвортой байдлыг хангаж ажиллана.
