Нийслэлийн Чингэлтэй дүүргийн иргэдийн Төлөөлөгчдийн Хурлын Ажлын албанаас Гэр бүл, хүүхэд, залуучуудын хөгжлийн хэлтсийн дэргэдэх “Гэр бүлийн хүчирхийллийн гэрч хохирогчийг хамгаалах нэг цэгийн үйлчилгээний төв”-д номын фонд бүрдүүлэх зорилгоор “Ном хандивлах 7 хоног”-ийн аяныг санаачилж байгаа билээ.
Өнөөдөр /2022.09.12/ Чингэлтэй дүүргийн ИТХ-ын Төлөөлөгч Ч.Мягмарсүрэн, Т.Найдан, дүүрэг дэх Улсыг бүртгэлийн хэлтсийн дарга Д.Оюунбилэг, дүүргийн Эрүүл мэндийн төвийн дарга Э.Наранхүү нар хамт олноо төлөөлөн тус “Ном хандивлах 7 хоног”-ийн аяныг дэмжин ном хандивлалаа.
Хандивлах номыг 2022 оны 09 дүгээр сарын 05-12-ны хооронд дүүргийн ИТХ-ын Ажлын албаны 304 тоот өрөөнд ажлын цагаар хүлээн авна.
Иймд иргэд та бүхнийг аянд нэгдэж, ном хандивлахыг уриалж байна.
