Нийслэлийн Чингэлтэй дүүргийн иргэдийн Төлөөлөгчдийн Хурлын Ажлын албанаас Гэр бүл, хүүхэд, залуучуудын хөгжлийн хэлтсийн дэргэдэх “Гэр бүлийн хүчирхийллийн гэрч хохирогчийг хамгаалах нэг цэгийн үйлчилгээний төв”-д номын фонд бүрдүүлэх зорилгоор “Ном хандивлах 7 хоног”-ийн аяныг санаачилж байгаа билээ.

           Өнөөдөр /2022.09.12/ Чингэлтэй дүүргийн “Хүүхдийн номын өргөө”-ний захирал, ИТХ-ын Төлөөлөгч Б.Болортунгалаг, дүүрэг дэх мэргэжлийн хяналтын хэлтсийн дарга Д.Хишигбаатар, дүүрэг дэх Нийгмийн даатгалын хэлтсийн албан хаагчид, 9 дүгээр хорооны албан хаагчид, Хөрөнгө Оруулалт, Бүтээн Байгуулалтыг Дэмжих Төв ОНӨТҮГ-ын албан хаагчид хамт олноо төлөөлөн тус ном хандивлах аянд нэгдлээ.

            Хандивлах номыг 2022 оны 09 дүгээр сарын 05-12-ны хооронд дүүргийн ИТХ-ын Ажлын албаны 304 тоот өрөөнд ажлын цагаар хүлээн авна.

            Иймд иргэд та бүхнийг аянд нэгдэж, ном хандивлахыг уриалж байна.

                         ХУРЛЫН АЖЛЫН АЛБА