Олон улсын эрх зүйн хөгжлийн байгууллага /IDLO/ нь “Монгол Улсад жендэрт суурилсан хүчирхийлэлтэй тэмцэх үйл ажиллагааг бэхжүүлэх” нь (2019-2022) төслийг Канад Улсын Засгийн газрын дэмжлэгтэй хэрэгжүүлж байна.
Тус төслийн хүрээнд жендэрт суурилсан хүчирхийлэл (ЖСХ)-ийг таслан зогсоох урьдчилан сэргийлэх, хохирогчдыг хамгаалах чиглэлээр үйл ажиллагаа явуулах “Хамтын хүч түншлэл” ИНБ-уудын Форумыг үүсгэн байгуулсан ба тус форумтай хамтран “Жендэрт суурилсан хүчирхийллийг бууруулахад төр-иргэний нийгмийн хамтын ажиллагаа” сэдэвт сургалт, уулзалт, дугуй ширээний ярилцлагыг 6-р сарын 16,17-ны өдрүүдэд Говь-Алтай аймагт зохион байгуулж байна.
Дээрх арга хэмжээнд аймгийн ИТХ-ын дарга Ц.Батболд, “Сайн тус” ТББ-ын тэргүүнд Д.Дулмаа нар цахимаар оролцож байна.
Уг арга хэмжээний зорилго нь Увс, Говь-Алтай, Завхан аймгуудын сайн туршлагад тулгуурлан аймгуудад зориулсан хохирогч төвтэй хандлагыг төлөвшүүлэхэд төр-иргэний нийгмийн түншлэлийн загварыг бий болгож, санал зөвлөмж боловсруулахад оршиж байгаа юм.
