Гэмт хэргээс урьдчилан сэргийлэх зардлаас улсын хэмжээнд үйл ажиллагаа явуулж байгаа нийт хамтарсан багийн үйл ажиллагааг дэмжих зорилгоор ХЗДХ-ийн сайд бөгөөд Гэмт хэргээс урьдчилан сэргийлэх ажлыг зохицуулах зөвлөлийн дарга Х.Нямбаатарын санаачилгаар жил бүр санхүүгийн дэмжлэг үзүүлдэг.

Энэ жилийн санхүүжилт олгогдох болсонтой холбогдуулан нийслэл, 9 дүүрэг, 21 аймгийн гэмт хэргээс урьдчилан сэргийлэх ажлыг зохицуулах салбар зөвлөлийн дарга бөгөөд ИТХ-ын дарга нар, нарийн бичгийн дарга нар болон холбогдох албан хаагчидтай цахим уулзалт хийлээ.

Энэ үеэр санхүүжилтийг хуульд заасны дагуу үр ашигтай зарцуулах, гэр бүлийн хүчирхийллээс урьдчилан сэргийлэх ажлыг эрчимжүүлэх талаар ажлын чиглэл өглөө.

Мөн гэмт хэрэг, зөрчлөөс урьдчилан сэргийлэх тухай хуульд нэмэлт өөрчлөлт орсонтой холбогдуулан мэдээлэл хийлээ.