Монгол Улсын Үндсэн хууль батлагдсаны 30 жилийн ойг тохиолдуулан Улсын Их Хурлын дарга Гомбожавын Занданшатарын ивээл дор шатар сонирхогчдын аймгийн аварга шалгаруулах тэмцээн бүх аймаг, нийслэлд нэгэн зэрэг зохион байгуулагдсан бөгөөд Дархан-Уул аймагт 12 сарын 12-ны өдөр зохион байгуулагдлаа.
Шатарчид тойргийн системээр тоглосон бөгөөд эрэгтэй төрөлд Дархан сумын иргэн Д.Ганбат, эмэгтэй төрөлд Дархан сумын иргэн Т.Мандах нар тэргүүн байр эзэллээ. Түрүүлсэн тамирчид шатар сонирхогчдын Улсын аварга шалгаруулах тэмцээнд оролцох юм.
