Монгол улсад ахмадын байгууллага үүсч хөгжсөний 90 жилийн ой, Олон улсын ахмадын баярыг тохиолдуулан аймгийн ИТХ-д Шарын гол сумаас сонгогдон ажиллаж буй аймгийн ИТХ-ын дарга С.Насанбат, Төлөөлөгч Д.Амарсанаа, Г.Мөнхбат нар сумынхаа ахмадуудад хүндэтгэл үзүүлэн, гарын бэлэг гардуулах арга хэмжээг зохион байгуулж байна.

Короновирусын цар тахлын хариу арга хэмжээний хүрээнд олон нийтийн үйл ажиллагаа зохион байгуулахгүйгээр ахмадуудын төлөөллүүдийг өнөөдөр /2021.09.30/ хүлээн авч уулзан, тэдний санал хүсэлтийг сонсож, холбогдох албан байгууллагад уламжлан шийдвэрлүүлэхээр ярилцлаа.

Мөн аймаг орон нутгаас гаргаж буй шийдвэр, үйл ажиллагааны талаарх сүүлийн үеийн мэдээллүүдийг хуваалцлаа.