Аймгийн ИТХ-ын Хүний хөгжил, хөдөлмөр, нийгмийн бодлого хяналтын хороо, Дархан сумын ИТХ-ын Хүний хөгжил, хөдөлмөр, нийгмийн бодлого хорооны Төлөөлөгчид хамтран “Эрсдэлгүй Дархан” 45 хоногийн аяныг эхлүүлэхээр бэлтгэл ажлыг хангаж, өнөөдөр /2021.05.25/ уулзалт хийлээ.
“Эрсдэлгүй Дархан” аяны хүрээнд аймгийн хэмжээнд аж ахуйн нэгж байгууллагуудын удирдлагуудыг хамруулан ажилтан албан хаагчдынхаа хөдөлмөр эрхлэлт, нийгмийн хамгаалалын асуудлыг шинэ түвшинд гаргах, ажлын байрны нөхцөл байдлыг бодитоор дүгнэх, тулгамдаж буй асуудлыг шийдвэрлэхийг уриалж, тодорхой үр дүнд хүрэх зорилготой юм.
Тодруулбал ажилтан албан хаагчдыг ажлын байранд нь хамгаалах, хөдөлмөр эрхлэлтийг дэмжих, орлогын баталгааг хангах, ковидын дараахь эрсдлийг хамтдаа туулах, уян хатан ажиллах чиглэлээр тодорхой ажлуудыг зохион байгуулснаар хүний хөгжил, хөдөлмөр эрхлэлтийг дэмжсэн үйл ажиллагаа болох юм.
