Дархан хот үүсэн байгуулагдсаны 60 жилийн ойг угтаж, Дархан сумын Малчин багийн иргэд болон тус багийн ИНХ, Засаг дарга, аймаг сумын Төлөөлөгчдийн санаачлагаар “Ногоон Дархан” төслийн хүрээнд "#Хөтөл_Хорооллоо_Ногоон_Хороолол_Болгоцгооё" аяныг өнөөдөр /2021.05.10/ эхлүүлж байна.
Тус аяны хүрээнд Малчин багийн өрхүүдэд хашаандаа мод тарих ажлыг дэмжих замаар ногоон байгууламжийг нэмэгдүүлэх зорилготой бөгөөд УИХ-ын гишүүд, аймгийн ИТХ-ын дарга С.Насанбат болон бусад ААНБ, иргэд монос, улаан, ногоон агч, үрэл, нарс, улиас, голт борын суулгацыг хандивласан юм.
Малчин багийн нийт 160 гаруй өрх тус бүрт хашаандаа тарьж ургуулах 4-5 суулгацыг өгч, арчлалт хамгаалалтыг бүрэн хангах талаар гэрээ байгуулан, эцсийн үр дүнг гартал холбогдох газруудаас хяналт тавьж ажиллана.
Түүнчлэн аймгийн БОАЖГ-аас тэдгээр айл өрхүүдэд мод тарих тухай, цаашид хэрхэн арчлах, усалгаа арчилгааг хэрхэн хийх талаар мэргэжил арга зүйн зөвлөгөө өгч ажиллаж байна.
