Өнөөдрийн хуралдаанаар Чингэлтэй дүүргийн Иргэдийн Төлөөлөгчдийн Хурал, Тэргүүлэгчдийн 2020 онд хэлэлцэх асуудлын төлөвлөгөө, Хурлын хороодоос 2020 онд зохион байгуулах үйл ажиллагааны төлөвлөгөө, Хурлын ажлын албаны 2020 оны гүйцэтгэлийн төлөвлөгөө болон дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүнд нэмэлт өөрчлөлт оруулах тухай, Шагналд уламжлах тухай, дүүргийн Иргэдийн Төлөөлөгчдийн Хурлын шагналаар шагнах тухай асуудлуудыг Хурлын Тэргүүлэгчдийн нарийн бичгийн дарга бөгөөд Хурлын ажлын албаны дарга Ц.Алтанцацрал танилцуулж, Тэргүүлэгчид хэлэлцэн батлав.
Мөн Төрийн дээд цол, одон медалиар 56 иргэнийг шагнуулахаар Нийслэлийн Иргэдийн Төлөөлөгчдийн Хурлын Тэргүүлэгчдэд уламжлах, дүүргийн Иргэдийн Төлөөлөгчдийн Хурлын шагналаар 84 иргэнийг шагнаж урамшуулах шийдвэрийг тус тус баталлаа.
