Аймгийн Иргэдийн Төлөөлөгчдийн Хурлын Хүний хөгжил, хөдөлмөр, нийгмийн бодлого хяналтын хорооны Төлөөлөгчид өнөөдөр /2019.03.11/ Түвшин холбоо өрхийн эрүүл мэндийн төв, 4 дүгээр сургууль, 13 дугаар цэцэрлэгийн үйл ажиллагаатай газар дээр нь танилцаж, тулгамдаж буй асуудлуудыг сонсож, харилцан санал солилцлоо.

Хуралд тус хорооны дарга Х.Батжаргал, Төлөөлөгч О.Энхзаяа, Б.Батболд, Д.Батбаяр болон Түвшин холбоо өрхийн эрүүл мэндийн төвийн Их эмч Д.Даваахорол 4 дүгээр сургуулийн захирал Д.Дэлгэрбаяр, 13 дугаар цэцэрлэгийн эрхлэгч С.Жаргалмаа нар оролцсон юм.

Тосгоны багийн иргэдэд төрийн анхан шатны үйлчилгээг үзүүлдэг төрийн байгууллагуудын хувьд инженерийн шугам сүлжээ байдаггүйгээс өдөр тутмын хэрэглээний ус, бохирын татан зайлуулалт зэрэг нийтлэг асуудал тулгамдаж байгаа тухай, мөн  тус багийг дахин төлөвлөтөд оруулах зэрэг саналыг тэд тавьж байлаа.