Холбооны Бүгд Найрамдах Герман улсын Конрад-Аденауэр сангийн санхүүжилтээр Засгийн газрын хэрэг эрхлэх газар, Дархан-Уул аймгийн ИТХ, ЗДТГ, Монголын бүтээмжийн төв хамтран 2018 оны 11 дүгээр сарын 07-ны өдөр Нутгийн удирдлагын байгууллагуудын бүтээмжийн өнөөгийн байдлын талаарх хэлэлцүүлгийг явуулахаар болжээ. Тус хэлэлцүүлгийн бэлтгэл ажлыг зохион байгуулах ажлын хэсэг байгуулагдан /2018.10.31/ хурлаа хийхийн зэрэгцээ анхны хэлэлцүүлгээ хийсэн байна. Энэхүү хэлэлцүүлэгт Дархан, Говьсүмбэр, Дорноговь, Дорнод, Дундговь, Өмнөговь, Сүхбаатар, Сэлэнгэ, Төв, Хэнтий аймаг болон Нийслэлийн Иргэдийн Төлөөлөгчдийн хурлын Тэргүүлэгчдийн нарийн бичгийн дарга, ажлын албаны ахлах мэргэжилтэн, Төрийн захиргааны удирдлагын хэлтсийн ахлах мэргэжилтэн зэрэг 90 орчим төрийн албан хаагч оролцох ажээ. Хэлэлцүүлгийн гол зорилго нь нутгийн захиргааны болон нутгийн өөрөө удирдах ёсны байгууллагуудын бүтээмж, чанарын удирдлагын өнөөгийн байдлын талаар мэдээлэл солилцох, судалгааны мэдээлэл цуглуулахад оршиж байгаа юм байна.