“Монголын тариаланчдын холбоо” ТББ-ын IV чуулган /2018.03.31/ Дархан- Уул аймгийн Ургамал, газар тариалангийн эрдэм шинжилгээний хүрээлэнгийн хурлын танхимд хуралдлаа. Тус чуулганд Эрдэнэт, Дархан, Сэлэнгэ, Төв зэрэг тариалан эрхэлдэг 10-н аймгийн 218 төлөөлөгч оролцож газар тариалангийн үйлдвэрлэлийн өнөөгийн байдал, цаашдын чиг хандлагын талаар хамтдаа ярилцсан юм. Мөн газар тариалан эрхлэгчдийн 2 холбоо нэгдэн Монголын тариаланчдын үндэсний холбоо байгуулж Ерөнхийлөгчөөр нь улсын их хурлын гишүүн, хөдөө аж ахуйн байнгын хорооны гишүүн Ж.Энхбаярыг төлөөлөгчдийн 100 хувийн саналаар сонгосон байна.