Бүгд найрамдах Турк улсын Истанбул хотноо 16 дахь жилдээ 2018 оны 02 дугаар сарын 22-25-ны өдрүүдэд зохион байгуулагдсан “Олон улсын тогооч нарын XVI их наадам”-д эх орноо төлөөлж 17-н тогооч амжилттай оролцоод иржээ. Эдгээр 17-н тогоочийн 2-н манай аймгийн шилдэг тэргүүний тогооч юм. Дархан-Уул аймгаас Д.Алтанцэцэг, В.Баярбилэг нар Орчин үеийн модерн, хурганы махан төрөл, загасны төрөл, пицца гэсэн 6-н төрөлд оролцож 5-н мөнгөн медаль, нэг тусгай байрны шагналыг авчээ. Монгол улсаас тэр дундаа Дархан-Уул аймгаас оролцсон 2 шилдэг тогоочдоо аймгийн удирдлагууд хүндэтгэл үзүүллээ.