Билгийн тооллын XVII дугаар жарны “Тийн унжлагат” хэмээх Шороон Нохой жилийн хаврын тэргүүн сарын шинийн дөрөвний ерөөл бэлэгт сайн өдөр аймгийн ИТХ-ын дарга Г.Эрдэнэбат, аймгийн Засаг дарга С.Насанбат болон орон нутгийн удирдлагууд, Иргэдийн төлөөлөгчдийн хурлын Тэргүүлэгчид, Төлөөлөгчид аймгийн Засаг даргын тамгын газрын хүндэтгэлийн гэрт төрийн золголт хийлээ. Монгол улсын Соёлын тэргүүний ажилтан, ерөөлч, магтаалч н.Дүйнхэрсүрэн монгол ёс, зан заншлын уламжлалт бэлгэдэл болсон төрийн хан хуурыг цэнгүүлж, аялгуут сайхан ерөөл магтаал өргөлөө.