Сэлэнгэ аймгийн Мандал суманд шүлхий өвчин гарсантай холбогдуулан урьдчилан сэргийлэх арга хэмжээний хүрээнд Дархан сумын төвд өвөлжиж байгаа 395 өрхийн 4398 толгой үхэр сүрэгт аймгийн Хүнс, хөдөө аж ахуйн газраас хуваарилагдсан вакциныг тарих ажлыг зохион байгуулжээ. Уг ажлын хүрээнд 5 хэсэг гарч ажилласан бөгөөд 12 дугаар сарын 02-ны өдрийн байдлаар 184 өрхийн 2322 толгой үхрийг вакцинд хамруулсан байна. Вакцинжуулалт 10 хоногийн дараа үргэлжилнэ.