Аймгийн ИТХ-ын дэргэдэх Гэмт хэргээс урьдчилан сэргийлэх ажлыг зохицуулах салбар зөвлөлөөс 2017 оны ажлын төлөвлөгөөнд тусгагдсаны дагуу гэмт хэргийн гаралт өндөртэй, тодорхой төрлийн гэмт хэргийн гаралт өссөн зарим сумдын ГХУСАЗСЗ-ийн ажлыг шалгах, ард иргэдэд яриа таниулга, сургалт сурталчилгаа хийх ажлын хэсэг 10 сарын 24-ний өдөр Тариалан суманд ажиллалаа.

Ажлын хэсэг нь сумын ГХУСАЗСЗ-ийн үйл ажиллагаатай танилцаж заавар зөвлөгөө өгөхийн зэрэгцээ, ард иргэдэд шинээр гарсан хууль тогтоомжийн талаар мэдээлэл өгч, харилцан ярилцаж, суманд үйл ажиллагаа явуулж буй архи болон согтууруулах ундаагаар үйлчилгээ үзүүлдэг аж ахуй нэгж, дэлгүүрүүдэд хяналт шалгалт хийлээ.