Дархан-Уул аймгийн ИТХ-ын албан ёсны цахим хуудас

АЙМАГ, СУМДЫН ИТХ-ЫН ТӨЛӨӨЛӨГЧДИЙН “ДАРХАН МИНИЙ ХОТ-2016” СПОРТЫН АНХДУГААР НААДАМ АМЖИЛТТАЙ ЗОХИОН БАЙГУУЛАГДЛАА

2016-11-29 14:48

Дархан-Уул аймгийн ИТХ-ын дэргэдэх Иргэний танхим, Биеийн тамир спортын газар хамтран аймаг, сумдын Иргэдийн Төлөөлөгчдийн Хурлын Төлөөлөгчдийн дунд “Дархан-Миний хот 2016” спортын Анхдугаар наадмыг  /2016.11.27/ спортын ордонд зохион байгууллаа.

            Манай аймаг нь аймаг, сумдын ИТХ-ын нийт 139 Төлөөлөгчтэй бөгөөд аймгийн ИТХ, 4 сумын ИТХурал тус бүр баг бүрдүүлж анхдугаар наадамд идэвхтэй оролцсон юм.

Төлөөлөгчид гар бөмбөг, сагсан бөмбөг, ширээний теннис, шатар, даам, биллиард гэсэн спортын 6 төрлөөр өрсөлдөн хурд хүч, авьяас чадвараа сорилоо.    

            Анхдугаар наадмыг аймгийн ИТХ-ын дарга Г.Эрдэнэбат нээж үг хэлсэн бөгөөд тэрээр “ард түмнийхээ итгэлийг хүлээн сонгогдон ажиллаж буй аймаг, сумдын ИТХ-ын Төлөөлөгчдийн хамтын ажиллагаа, нэгдмэл байдлаас орон нутгийн цаашдын хөгжил дэвшил шууд хамааралтай. Энэхүү спортын нөхөрсөг тэмцээн нь Дархан-Уул аймгийн нийт Төлөөлөгчид бие биетэйгээ танилцах, цаашид нэг баг, хамт олон болж ажиллах нөхцөлийг бүрдүүлэх зорилготой юм” хэмээн онцолсон юм.

            Мөн нээлтийн үеэр аймгийн Засаг дарга С.Насанбат “Аймаг, сумдын ИТХ-ын Төлөөлөгчдийн дунд спортын бага наадмыг уламжлал хэлбэрээр тогтмол зохион байгуулах болно” гээд Дархан-Миний хот спортын анхдугаар наадамд оролцож буй нийт тамирчин-Төлөөлөгчдөд баяр хүргэн амжилт хүслээ. Аймаг , сумдын ИТХ-ын Төлөөлөгчдийн спортын Анхдугаар наадамын нээлтэд төрийн дууллаар эгшиглэж, тамирчин-Төлөөлөгчид төрийн дууллаа хүндэтгэн дууллаа."Дархан-Миний хот 2016" спортын наадам 11 дүгээр сарын 27-ны өглөөний 8, 30 цагаас 22 цаг хүртэл үргэлжилж, спортын уралдаан тэмцээн тасралтгүй явагдсан юм. 

            Төлөөлөгчдийн спортын анхдугаар наадмын теннисийн эмэгтэй төрөлд Шарын гол сумын ИТХ-ын Төлөөлөгч Ц.Цэцэгмаа, Дархан сумын Төлөөлөгч Б.Төгөлдөр, аймгийн ИТХ-ын Тэргүүлэгч А.Янжмаа нар эхний байруудыг эзэлсэн бол эрэгтэй төрөлд Хонгор сумын Төлөөлөгч М.Пүрэвбаатар, Дархан сумын Төлөөлөгч Ж.Жамбалдорж, Хонгор сумын Төлөөлөгч Ё.Наранбат нар шагналт байруудыг эзэлжээ. Харин даамны төрөлд эрэгтэй тамирчдаас Дархан сумын Төлөөлөгч Ч.Баттулга, Орхон сумын Төлөөлөгч Ц.Нацагдорж, Шарын сумын Э.Нямдорж нар алт, мөнгө, хүрэл медалийн эзэд болсон бол эмэгтэйгээс Дархан сумын ТөлөөлөгчГ.Мөнхцэцэг, Орхон сумын Б.Амаржаргал, Хонгор сумын С.Янжмаа нар тэргүүлжээ. Шатрын төрөлд эрэгтэй мөн Дархан сумын Төлөөлөгч Ч.Баттулга, Шарын гол сумын ИТХ-ын дарга Б.Лхамсүрэн, Хонгор сумын Н.Нордог нар, эмэгтэйгээс  Шарын гол сумын Төлөөлөгч Г.Одончимэг, Дархан сумын Г.Мөнхцэцэг, Орхон сумын Д.Онолбаяр нар шагналт байруудын эзэн болсон байна.


            Харин багийн спорт болох гар бөмбөгийн тэмцээнд Шарын гол сумын баг тамирчид тэргүүлж, аймгийн ИТХ, Дархан сумын ИТХ-ын баг удаалсан бол сагсан бөмбөгийн төрөлд аймгийн ИТХ-ын тамирчин-Төлөөлөгчид нэгдүгээр байр эзэлж, Хонгор сум, Шарын гол сумын баг 2,3 дугаар байранд орсон байна.Тэргүүн байр эзэлсэн Дархан сумын ИТХ-ын баг тамирчид
Дэд байрын эзэд Шарын гол сумын ИТХ-ын баг тамирчид 

            Тэгвэл биллиардын тэмцээнд аймгийн ИТХ-ын Төлөөлөгч Т.Ганболд 1 дүгээр байр,  Хонгор сумын Төлөөлөгч Ж.Баяраа 2 дугаар байр, Орхон сумын ИТХ-ын Тэргүүлэгчдийн нарийн бичгийн дарга Д.Онолбаяр 3 дугаар байрыг тус тус эзэлжээ.

            Харин багийн нийт дүнгээр Ж.Балжинням ахлагчтай Дархан сумын ИТХ-ын баг нэгдүгээр байр, Б.Лхамсүрэн ахлагчтай Шарын гол сумын ИТХ-ын баг хоёрдугаар байр, Г.Эрдэнэбат ахлагчтай аймгийн ИТХ-ын баг гуравдугаар байр, Н.Ганбаатар ахлагчтай Хонгор сумын ИТХ-ын баг дөрөвдүгээр байр, Н.Нямдаваа ахлагчтай Орхон сумын ИТХ-ын баг тавдугаар байрыг тус тус эзэлжээ.

            Аймгийн ИТХ-ын дэргэдэх Иргэний танхимын санаачлагаар зохион байгуулагдсан тус  тэмцээнийг цаашид жил бүр уламжлал болгон зохион байгуулж байхаар боллоо.

            


2016-11-29 14:48

Сэтгэгдэл ачааллаж байна ..

Сумдууд